Sha u Lat, ujor u MDC ba phiah Konstituensi

Shillong 25 Risaw:
U Bah Welcome Dkhar, u la phah ka jingujor sha u Lat ka jylla pyrshah ia ka rukom thaw Konstituensi thymmai u Bah MB Rymbai, Chief Executive Mmber (CEM) Jaintia Hills Autonomous District Council (JHADC)ha kane ka kynti watla ka Komiti phiah konstituensi, ne ka Delimina tion Committee jong u ka la iaid shaphrang ban trei la ka kam bad pyndep ruh ia ka jingpruid dak, kumno ban thaw iaki Konstituensi thymmai.
Ha ka jingujor sha u Lat, u Bah Dkhar u la kdew ba ka rukom thaw konstituensi jong u Bah MB Rymbai CEM, ka long kaba be-ain namar ka iaid lait na ka kyndon Sixth Schedule, jong ka Riti synshar ka Ri India.
Ki daw kiba u Bah Dkhar MDC u pyrshah ki kynthup ia ka jingbunbriew bad ka jingkhot da ka Public hearing.Haba pynshai u Bah Dkhar u kdew ba ka jingbun briew ka long kaba iapher haduh katta katta na kawei sha kawei pat ka constituency thymmai, kata don kiba kdup haduh 10-11 hajar ngut ki paidbah ,don pat ki kdup tang 3300-400 , 5000, 6000, 7000 bad 8000 ngut, kumta kum kane ka jing pruid dak u Bah Dkhar u kynnoh ba ka long ka bym biang.Nangta ka jingkhot da ka Public Hearing, ruh u Bah Dkhar ujor ba kum katei ka jingleh ym thoh satia ha ka ain Sixth Schedule, namar kata ka long kaba be-ain.
Shuh shuh halor katei ka jingleh u Bah Welcome Dkhar MDC , u kyntu ia u Lat ka jylla ban leh ia kaba donkam pyrshah ia u CEM bad ruh ban pynkhein noh syndon ia u na ka shuki CEM, namar u la pynkhein ia ka ain Sixth Schedule jong ka Konstitiwshon ka Ri India.