Shillong: U CEM ka KHADC u bah HS Shylla u la ong ba ka District Council kan leit ban ujor sha Supreme Court halor ka jingkyntait jong ka sorkar jylla ban pyntreikam ia ka ILP bad halor ka jubab ba ka sorkar jylla ka la phah ba ka District Council kam donbor ban pyntreikam ia ka ILP.
U bah Shylla u la ong ba ka District Council kam shym la shna ain thymmai halor ka ILP hynrei ka shim ia ka aiñ kaba la don lypa kaba la mynjur da u Lat ka jylla ha ki snem ba mynshuwa hynrei u la ong ba ka sorkar ka pynphai biang ryngkat ka jingkynthoh ba ka District Council kam donbor ban shna ain halor ka ILP. U bah Shylla u la ong ba ha kane ka taiew ban wan ka KHADC kan leit sha Supreme Court ban ujor halor katei ka jingleh ka sorkar.
U bah Shylla u la ong ruh ba mynta u myntri rangbah ka jylla u Conrad K Sangma u la sngewthuh ia ka jingiapher hapdeng ka jaka rung jaka mih (Entry –Exit Point) bad ka ILP ha kaba dang shen u la ong ba ka jaka rung jaka mih ki dei tang ki jingtei katba ka ILP ka dei ka jingkhang ban khang ia ka jingrung kyrthep jong ki briew kiba nabar.
U Bah HS Shylla katba u dang iakren bad ki nongthoh khubor: Rupang.
Phi don ban ong eiei?