Sha Supreme Court ia ka hukum ka High Court

Shillong, 13’lyngkot:
Ka kyrwoh na u bah Lber Laloo bad u Pyn skhemborlang K Sawian kiba la rah sha ka Supreme Court ha kaba ia dei bad ka kam Rangbah Shnong ki la ong ba ki la pdiang sngewbha ia ka rai jong ka High Court kaba la long mynta ka sngi halor ka kam ki Rangbah Shnong hynrei ki la ong ba kim sngew iahap pat ba ka High Court kan ailad ia ka sorkar jylla ban tuklar ia ki kam jong ka district Council , “Ngi sngew ba shi bynta na katei ka hukum kam ia hap bad ngin kren ia kane ka kam ha ka sngi bishar kaba bud namarba ka Case jong ngi ka dang sah pongding ha Supreme Court” ong ka kyrwoh.
Katei ka kyrwoh ka la ong ruh ba ka la ia khun ia katei ka kam Rangbah Shnong hapoh Supreme Court halor ka hokum ba ka High Court ka la pynmih kham mynshuwa bad ka Supreme Court ka la hukum ia ka High Copurt ba kan pyndep ia katei ka kam hapoh 4 taiew bad ban pynmih ruh ia ka rai kaba khaddduh hapoh katei ka por.
Ka kyrwoh ka la ong ba ka aiñ ka la kren shai ba ka rukom synshar khaddar hapoh ki jaka ba hap ha ka District Council yn tip hi ka District Council katkum ka jingpynkup bor jong ka 6th Schedule. Ka kyrwoh ka la ong biang ba mynta ba ka High Court ka la pynmih ia ka hukum ba thymmai jong ka kin leit rah biang sha ka Supreme Court ba kan tuklar ia katei ka kam.