Shillong:Ka shnong Mawkynrang ka shnong kaba jngai kum ba 10 km na ka shnong Nongkhlaw kaba hap hapoh ka Mawthadraishan constituency, ka dei, kaba la mad jing eh da ki bun snem namar ka jing sniew palat ka surok kaba la wanrah jing eh shibun, ym tang ia ki nongshong shnong kane ka shnong hynrei ia ki wei pat ki marjan shnong ki ba pyndon kam iaka ka surok.
Ka jingbym don ia ki surok kiba paka ha kine ki shnong ka la ktah iaka leit ka wan, ka khaii pateng jong ki ne ki shnong namar ka jing bym long shuh ban iaid ki kali na kane ka surok khyndew kaba la lang da ka ktieh ha shi lynter.
Haba ki nongshong shnong ha kane ka thain ki donkam ban ban leit sha sor ki hap ban shong da ki trok free wheel, namar ki kali rit kim lah ban iaid na kine ki surok namar ka jingsniew palat ka surok bun na ki kali ki sniew shiteng lynti bad bun ruh ki ba sahkut ha kane ka ktieh da ki bun kynta.
Phi don ban ong eiei?