Sha ka 4,118 ngut kiba ioh pang Covid 19 ha Assam

Kiba pang Covid 19 ha Assam, ki la poi sha ka 4,118 ngut, da ka jingdon jong ki 69 ngut kiba dang shu ioh ia katei ka jingpang, ong ka khubor.

U Himanta Biswa Sarma, myntri ka koit ka khiah ka Assam, u iathuh ba kitei kiba ioh pang, ki dei na ki phra tylli ki District ka Assam bad kitei ki kynthup ia ka Nagaon, kaba don ia 16 ngut, ka Dhubri ia 15 ngut bad ka Kamrup ia 12 ngut. Sa 10 ngut ki dei na Jorhat bad 6 ngut na Dhemaji District. 4 ngut kiwei pat ki dei na Udalguri, 3 ngut na Kamrup (R) bad sa 3 ngut na Barpeta district.

Haduh mynta, kiba don ia katei ka jingpang, ki long 2,147 ngut, nangta sa 1,960 ngut kiba la koit na ka jingpang.