Sha ka 40ngut ki MDC, ong ka JHADC na U Rajnath Singh

Shillong,10 Nailar:
U Chief Executive Member ka JHADC u Ma Thombor Shiwat, ryngkat ki dkhot ka Executive committee jong u ki la leit sha Delhi ban ia kynduh ia u myntri kam pohing ka sorkar pdeng u Rajnath Singh ban leit kyrpad na u ban pynkiew ia ka jingdon ki MDC ha JHADc na ka 30 sha ka 40 ngut. U la ia kynduh ruh ia u myntri ka tnad DoNER ha ka 9 tarik mynta u bnai ban ia kren na ka bynta ban bei tyngka ha ka bynta kaba ar, na bynta ban pynbha ia ka Iawmusiang.
Mynta ka sngi pat u la ia kynduh ia u myntri khynnah ba peit ia ka tnat pla pisa, ban kyrpad ia u ban ai kajuh ka bhah na ka Special Assistant Central Sponsored Scheme ia ka JHADC, da kaba kdew ba ka JHADC ruh ka don katjuh ki MDC kumba long kiwei pat ki ADC ha kane ka jylla bad ba ka don ruh kyrhai ki khlaw ki btap bad ki marpoh khyndew haba ia khein katkum ka jingioh lum khajna ka sorkar jylla. Ka khubor na u CEM ka la iathuh ba ha katei ka jingiakynduh ka jingiakren ka long kaba seisoh bad la shah shkor bha ia ka jingpynsngew jong ki.