Seng jaka pule ka FKJGP, Bataw

Khliehriat,1 Naitung:
Ka Federation of Khasi Jaintia & Garo Peo ple(FKJGP)Bataw Unit kaba hap hapoh ka FKJ GP-Khliehriat Circle lyng ba ka Education Cell kaba la shim ia ka rai ban seng noh da ka “Educational Training Centre” hapoh Shnong Bataw. Katkum ka kyrwosh ba la phah da u President jong ka, u Bah Deihok Sumer,u la ong ka seng haba ka seng ia kane ka Centre ka long ban ai jinghikai pule kot ei ia ki briew ki bym don jingnang jingstad khnang ba yn lah ban rat dyngkhong ia ka jingbiej bad jingsahdien ha ka liang ka jingnang jingstad hapoh ka Shnong ka thaw,ka Ri bad ka Jaidbynriew hi baroh kawei. Une u nongialam u la ong shuh shuh kat kum ka jingbishar bniah jong ka seng,la lap ba kito ki briew ki bym don jingnang jingstad kam dei na ka jingjaituh lane bymtreh ban leit skul ha ki por jong ki,hynrei ki daw kiba bun kiba lah ban jia bad kiba ha khmat eh ki dei na ka jingduk. Dei halor kitei ki daw ba ka FKJGP ka la shim da ka rai ban seng noh da katei ka jaka pule.
Shuh shuh ka seng lyngba kane ka kyrwoh khubor ka pyntip sha ki paid nongshong Shnong jong ka Shnong Bataw ba kin sngewbha ban wan shim ia ka form pynrung kyrteng (Regitration Form) jong ki na u Secretary ka Education Cell,Bah Ampli Rupsi hapoh ka 4 tarik mynta u bnai bad ki dei ruh ban pynbiang ia kawei ka dur shiteng (passport size),zerox copy jong ka Certificate shnong bad ka dur Election (ka EPIC Election kan dei tang ia kito kiba la 18 snem shaneng).Ia ki jingtip ba kham bniah lah ban phone ha kine ki number 8575738734/8014687479.