Sei U Mukul, da ka mobile, ba shondur lang U Conrad bad u snar khaii droks

Shillong:U myntri rangbah barim ka jylla u Dr. Mukul Sangma, mynhynnin ka sngi u la sei da ka mobile hapoh ka ïing dorbar thawain, ban pyni ia ki dur ba iashon dur lang u myntri rangbah u Conrad K Sangma bad uwei uba shah kynnoh nongkhaïi drok uba na Mizoram u Henry Lalrem Zhanga.

Haba wohnia jyrthiaw, ia kane hapoh ka ïing dorbar, u Dr. Mukul u la ong ba u sngew khia ia kane ka jingiadei jong u briew ba don ka bor bad uba shah kynnoh donkti ha ki kam beain ban khaïi drok.
“Nga ngeit ba baroh kin sngew wit bha halor kane ka jingjia”, la ong u Dr. Mukul Sangma.

Haba pynphai nia halor kane, u Conrad u la ong ba u iakynduh bad ia shon dur lang bad ki milian ki paidbah bad ka jingpynkut nia tang na kaba shon dur, kam long kaba shongnia. U la ong ba u nongmihkhmat paidbah u iakren badno badno bad ban kynnoh ba don jingiadei ba shon dur, kam long kaba shongnia.

U la ong ba tang ba iashon dur badno badno, kam mut ba iadonkti ha kano kano ka kam bad u la buh jingkylli hato ka don kyrteng jong u Conrad Sangma halor ka mukotduma kaba la ujor.
“Tang ba iashon dur kam mut ba ngi iadon kti ha kano kano ka kam, nga la iashon dur bad ki milian ngut ki riew shimet kum u nongmihkhmat paidbah”, la ong u Conrad.