Sei tuh na SBI T.1lak, her drone ha AIR

Shillong: U Nabi Ahmed ula ujor ba ki la don kiba sei tuh ia ka pisa jongu T.1lak na ka account jongu ha SBI Iewduh Branch, Shillong.

U Papon Khatriya, ula ujor ba ha ka 25tarik mynta u bnai, ha ka por 1baje nohsngi, ki runar, ki la rong tuh ia ka scooty jongu, kaba don ia u number ML-05Q-8747 na Nongrimbah, Laitumkhrah, Shillong.
U Bah Joshua D Kharkongor, uba trei ha All India Radio, Shillong, ula ujor ba ha ka 24tarik mynta u bnai, ha ka por 3.30 mynstep, ki pulit pahara ki iohi ia uwei u drone, uba her sawdong jong ka ophis ka All India Radio bad ki la pyrshang ban pynhap ruh, hynrei kim lah satia.
Ki nongap ki iohi ruh ia kawei ka kali Maruti Swift, kaba ieng hangtei hajan bad katei ka dei ka kali, kaba i suba sniew shibun eh bad kham hadien ka mih noh na katei ka jaka.