Sei shuh U Pakyntein, ia ka jingpyndonkam bakla u Bah Paul

Shillong, 27 Lber:
Hapdeng ka jing ia kawang ktieh hapdeng u Bah Michael Pakyntein uba wad jingtip paidbah bad u MLA ka South Shillong u Bah Paul Lyngdoh, mynta ka sngi la sei shuh ia ka jingkynnoh ba pyndonam bakla ia ka MLA skhim da u MLA kaba la kot sha a T. 1 klur.
U Bah Pakyntein u la kam ba u la lap ba shuh ia ki dukan kiba suplai ia ki tiar ba shong dor T. 73 lak kaba kot sha ka T.1.40 klur kynthup kaba mynshwa T. 55.80 lak.
Ha ka 22 tarik u Lber, u Bah Pakyntein u la ujor ejahar sha u Chief Vigilance Commissioner pyrshah ia u Bah Paul Lyngdoh uba la kynnoh pyndonkam bakla ia ka MLA skhim kaba T. 55.80 lak.
Hynrei na ka liang u Bah Paul, ha ka sngi Thohdieng u la ujor ejahar kylla I u Bah Pakyntein da kaba kdew ba ka jingkynnoh pyndonkam bakla ia ka pisa ka MLA skhim jongu, ka dei tang ka jingthmu sniew ban pynjah burom ia u hakhmat ki paidbah. U Bah Paul Lyngdoh u la ong ba ka jingthied ia ki tiar hapoh ka constituency la leh da ka Implementation Committee kumba la bthah da ka Urban Affairs Department bad baroh ki kot ki sla ba donkam la aiti sha ka Shillong Municipal Board ia ki jingdonkam baroh.
Haba kren hynne sha ki lad pathai khubor, u Bah Pakyntein u la sei biang sa kawei ka jingkynnoh pyrshah ia ka jingpyndonkam baka ia ka MLA skhim jong u Bah Paul Lyngdoh kaba kot sha ka T.1 klur.
Ha kajuh ka por, u Bah Pakyntien u la kyrpad ban tuklar u Myntri Rangbah, u Myntri kam pohiing ba kin pynsted ia u Chief Vigilance Commissioner ban pynsted ia ka jingtohkit ia ka jingpyndonkam bakla ia ka pisa paidbah.