Shillong: Ka seng UDP, ka la pyllait shuh shuh ia ki kyrteng jong ki kandidet, ki ban iakhun ia ka elekshon MDC 2019 bad kitei ki kynthup ia U bah Paul Lyngdoh, u ban iakhun na Jaiaw, ka Saralinda Kharlukhi na Mawkhar Pynthorumkhrah; nangta la jied ia U bah Toning Tyrsa, u ban iakhun na Nongstoin, U Bah Kisborlang Kharbani, u ban iakhun na Mawhati, U Ma Marki Mulieh na Jowai North, U Ma Dawan Lyngdoh na Mynsngat Khanduli,U Ma Herman Khonglah na War West, U Ma Shanbor Sumer na Barato Mukroh bad U Ma Lakhon Biam na Nangbah.
U Bah Jemino Mawthoh General Secretary jong ka seng UDP, haba pyllait ia kitei ki kyrteng hynnin ka sngi, u iathuh ba ki dang don kiwei ki Constituency, ki ban dang rai ia ki kandidet bad kitei ki kynthup ia 2 tylli na East, West bad na Ri bhoi ruh kumjuh bad sa phra tylli na West Jaintia bad sa hynriew tylli na East Jaintia Hils, kiba dang dei ban rai pat kham hadien.