Sei pistol U SI ha Pyndengrei

Nongstoin, 17 Nailar:
U wei u pulit Sub Inspector, u la shu shah weng kam noh shipor hadien ba u la thaw jingklumar ha ka Shnong Pyndengrei Nongstoin WKHD, kat kum ka jingiathuh jong ki VDP Shnong Pyndengrei, katei ka jingjia kala jia hynnin ka miet ha ka por 10:20 PM ei ie ha kaba u tei u pulit u la sei da ka pistol jong u bad byrngem siat ruh ia ki VDP shnong kiba dang wan ban maham na ka iing ba u la ialehkmen leh sngewbha kaba la palat ia ka por ba la buh da ka ian Shnong.
U bah Didimus Nongsiej Rangbah Dong ka dong Mawkhmahwir u la iathuh ba ka don ka patrolling jong ki VDP shnong Pyndengrei, bad la suba ruh ba ha katei ka iing ba u don u tei u SI bala ia khawai sngewbha ka ju don ka jingleh ia ki kam jakhlia na kapor sha ka por, na ka ta ka daw ki VDP ki la leit ban khynra ia katei ka iing  bad u tei u SI u ba la tip kum u T.D.Momin u la sei pynban da ka pistol bad kyndang bad byrngem siat ia ki vollenter jong ka shnong.
Ha ka por 1baje hynne ka step  ki VDP ka Shnong Pyndengrei ki la wan ban beh kthong ia utei u SI haduh ha thanad Nongstoin PS, bad kila u jor ruh pyrshah ia utei u SI bad dawa weng kam noh shi syndon ia u, namar kum u briew ba bat ia ka ain hynrei u la pynkhein kylla ia ka ain da kaba ialeh pyrshah bad ki paitbah ha ka buaid tanglang, bad da kaba byrngem siat da ka pistol ia ki  ki VDP shnong.
Na ka liang jong u Secretary Shnong Pyndengrei u bah W. Syiemlieh u la ong ba katkum ka jingtohkit na kawei ka khynnah ba dang 16 snem ka rta, kaba don lang ha katei ka jaka ka la iathuh ba ki don haduh 20 haduh 30 ngut ki shynrang  bad kato katne ngut ki kynthei ruh ba la iadon ha katei ka jinglehkmen bad buaid ha katei ka sngi.
Shuh shuh u la ong ruh ba katkum ka jingtohkit na u trai iing u Kitborlang Sohshang u la ong ba um shym la tip ei ei. Ka shnong ka pynrem jur ia utei u trai iing  bad ba la da jia kum kane ka jingjia sa shisien ym banse ban hap ban beh shnong shisyndon lane ban leh da kaba tyngeh.
Ha kaba iadei bad katei na ka liang jong ki heh pulit ka Nongstoin PS, ki la pynngat syndon ia u ha ka jingshah pynshitom da kaba weng kam noh shi por ia u tei u SI.