Sei met iap 550tylli, na ka jingshlei um ha Uttarakhand

Dehradun, 21 Jylliew:
La ioh sei sa 40tylli ki met iap, na ki bynta jong ka Haridwar, ha kaba ka jingiap shlei um, mynta ka la poi sha ka 550ngut bad ka jingtrei bor bah ban pyn kynriah ia ki 9hajar ngut kiba dang sahkut ha Kedarnath bad Badrinath, ka dang iaid bteng, da ka jingpyniaid ia ki 40tylli ki helicopter.
U Vijay Bahuguna, myntri rangbah ka Uttarakhand, u iathuh ba katei ka dei ka jingkhein, ia ki met iap, kiba la ioh ban sei na um bad kiba dang per ruh haduh mynta.
La iathuh ba ha Haridwar, kaba hap ha Uttarakhand, la ioh ban sei ia 40tylli ki met iap, na ka daw jong ka jingshlei um kaba jur.
Ka jingkiew jong ka wah Ganga bad Sharda, ka dang iai bteng ha Uttar Pradesh bad ha kajuh ka por, ia ka surok kaba leit lyngba ka UP bad ka Haryana, kam shym long iaid kali satia mynta la saw sngi kynthih., namar ba ka jingkieng kaba iaid lyngba ka wah Yamuna, ha Shamli District, ka la khang namar ka jingbym shngain ka iaid ka ieng.
Mynta ki helicopter, ki dang iai pyn kynriah, ia ki briew sha ki jaka ba shngain, ha kaba ki don haduh 50hajar ngut ki briew, kiba dei ban kynriah noh, namar ka jingnang kiew jong ka um sha ki bynta bapher jongka Uttarakhand.