Sei madan U James Sangma, ia ka shithi na ka ANVC(B) sha U Mukul Sangma Hukum U Chairman ANVC(B), ia ki MLA Garo ban kyrshan ia U Mukul ha U Nohrah 2013 Da ka hukum U Mukul, siat iap ki pulit ia 4 ki ANVC(B)

Guwahati,27K’lyngkot:
Ka NPP ka la kynnoh ba ka jingshah siat iap ki 4 ngut ki lehnoh ANVC-B ha kine ki khyndiat sngi ba la dep, kam dei ka jingshah siat iap ha ka jingiakhun ne ka jingiather kuli, hynrei ka dei tang ka jingpyniap bein ki pulit ia ki, ha kaba ki la leh ia katei ka kam tang ban pyndep ia ka hukum u Boss jong ki. Ka NPP ka la kynnoh ba u Myntri Rangbah ka jylla u dei u Boss uba la hukum ia ki pulit ban pyniap ia kitei ki 4 ngut, khnang ba yn ym ioh sabut ba u, ia don kti bad ki seng lehnoh. U James Sangma u nongai ktien ka NPP u la kynnoh ruh ba katei ka kam ka la jia, tang hadien katto katne sngi, ba u Ajaju R Marak, Political Secretary ka ANVC-B u la thad madan ia ka jingiadei u Mukul bad ki lehnoh ha kaba la kynnoh ruh ba na kitei ki 4 ngut kiba la iap ki bym pat shym la don ba kam, u Chairman ka ANVC-B, u Rimpu u la kynnoh ba kawei na ki met iap ka dei ka jong u Ajaju.
Haba kren sha ki nongthohkhubor, u James u la ong ruh ba shen ka NPP kan sa leit ban ia kynduh ia u Myntri Rangbah Duh u Dr.Manmohon Singh kumjuh ruh ia u Myntri ka kam pohing ka Ri u Shushil Kumar Shinde ban ia kren ia ka roi ka par ha ka jylla , bad ha katei ka jingiakynduh ki n dawa ruh ban weng noh ia u Dr.Mukul na ka shuki Myntri Rangbah ka jylla. Shuh shuh u James u la ong ba u Dr.Mukul u dei ban risain noh ia ka kam Myntri Rangbah bad dei ban thung da ki kynhun tohkit kaba lah ban long ka NIA ne ka CBI khnang ba ki jingshisha baroh kin paw.
Ka NPP haba pynpaw ia ka jingsngew khia kaba jur halor ki jingkynnoh ia ka jingdonkti u Myntri Rangbah bad ki seng lehnoh , ka la ong ba ka seng ka sheptieng ioh ba kum kitei ki jingjia kiba la kynnoh kin jia shuwa kane ka elekshon MP , ioh ba u Mukul un dang pyndonkam hi da ka kynhun lehnoh. Ka NPP kaba dei ka seng ba ia trei synrop bad ka BJP ha Delhi, ka la iathuh ba kan leit sha ka jingialang jong u kyrtong MRD ka BJP u Narendra Modi ka ban long ha ka 8 tarik u rymphang 2014.
Ha katei ka shithi, kaba la pyni paidbah da U James Sangma, la pyni ba la thoh ha ka 28tarik Nohprah 2013, ha kaba la thoh da U Ajaju, ha kaba u pynkynmaw, ia ka jingiarap jong U Chairman jong ka ANVC (B), ban pynneh ia ka shuki jong U Dr Mukul, da kaba ki leit byrngem ia kiba bun ki MLA Garo, ba ki dei ban iai bteng, ha kaba kyrshan ia U Mukul Sangma.