Ka actress bollywood, ka Geetiya Tyagi, kaba la ak ha ka phlim ‘One By Two’ bad ‘What the Fish,’ ka kynnoh ba U Subhash Kapoor, uba dei u director jong ka ‘Jolly LLB’ ba u donkti ban tare bad kynshlein ia ka met jongka.
Katei ka actress, ka la pyni ruh ia ka video, ha kaba ka la ai kyrteng ‘Subhash Kapoor’s true face’. Katei ka dei ka video, kaba la ring da ka camera ba la buhrieh, ha kaba la pyni ba U Kapoor, ka tnga jongu, ka Dimple Kharbanda bad ka Geetika ba ki iakren halor katei ka jing iadei jong ka Geetika bad U Kapoor.
U Subhash Kapoor, u mynjur ba ula ia don bynta ha kaba ialeh ieid bad katei ka actress, la katto katne sien, hynrei, u kyntait pat ba ula pynbor ia ka bad la iohi ha ka video, ha kaba katba ka jingiakren, ka dang iaid ba ka Geetika, ka la thab na shiliang ka ngab jong U Kapoor, uba ka la ia don kti ha kaba ialeh ieid leh thoin.