Shillong:U nongialam ka Confederation of Meghalaya Social Organisation, u bah Robertjune Kharjahrin myn hynnin ka sngi u la pynpaw ba ia ka kaiphot jong ka sub Commitee halor ka mat Themmetor kaba la dep ban rah sha ha High Level Commitee, ki dei ban rah sha ki paidbah.
Haba ia kren bad ki lad pathai khubor, na ka liang u bah Robert june Kharjahrin, u la ong ba ka kaiphot jong ka sub Commitee halor ka themmetor, dei ban wan rah sha u paidbah khnang ba u paidbah un sngewthuh kaei ka rai jong ka Sub Commitee.
U la ong ruh ba na ka liang jong ka CoMSO, haduh mynta ka iai bud dien ia kane ka mat ban pyn kynriah ia ki briew na ka them motor ha kaba ki la kynduh ia u Syiem ka Hima Mylliem, ia u Chairman ka High Level Commitee bad ia ki nongialam na KHADC ban dawa ban pynkloi noh ia kane ka mat.
U la ong ruh ba ka mat Themmetor, ym dei ban peit na ka liang jong ka jingiapher jait bynriew, hynrei dei ban peit kat kum ka mat ban ioh ia ka rai ka par. U la ong ruh ba mynta u snem ka sorkar jylla ka dei ban weng noh ia kine ki briew ki ba sah ha Them Metor.
Phi don ban ong eiei?