Tura: Ki doktor, ki la ioh ban sei ia jingpang at uba khia 22 kilo na kawei ka nongpang kaba 23snem ka rta, ha Maternity and Child Health (MCH) Hospital ha Tura.
La iathuh ba katei ka dei ka nongpang, kaba na Baghmara jong ka South Garo Hills District.
Ki doktor kiba puid ia utei u jingat, ki long ka Dr Vince Chimpoo M Momin (Gynaecologist) ha ryngkat ka Dr Blandina Marak (Anaesthetist), ha kaba la don lang U Dr Bithi Sangma (Senior medical officer) bad ka Dr Azuma Shira, Cris Noel Sangma bad U Arnold Momin (OT Assistants).
La iathuh ba la sumar ia katei ka nongpang, da ki nong sumar kynbat ha kine ki ar snem ba ladep bad ka dang shu wan sha Hospital, ha ka taiew ba ladep bad la puid noh ia utei u jingpang at ha ka Sngi Balang.