Sei ka NPP 2 ngut ki kyrtong ha Assam

Shillong, 19 Rymphang: Ka NPP ka la pynkhreh na ka bynta ka elekshon MLA ban long ha une u snem ha jylla Assam bad ka la pynlong ia ka jingiakynduh dang shen ia ka jingialang ka Assam State Election Committee ka National People’s Party (NPP).
Ha kane ka jing ialang la don lang u president ka NPP u Purno A Sangma bad u Thomas Sangma u General Secretary nalor bun kiwei pat.
Ha ka jingialang la pdiang ia ar ngut ki kyrtong ha ka thup kyrteng ba nyngkong na ka bynta ka elekshon.  Kine ki kyrtong ki kynthup ia u Punam Chand Sharma na 37- Goalpara East LAC bad u Daniel G Momin na ka 17-Bokajan LAC.
Ia ka thup kyrteng ba bud, yn sa pynlait shen, la ong u nongaiktien ka NPP u James Sangma.