Sei ka Namdong T.4.20lak na la pla, ban tei jaka shangkai

Jowai, 21 Jylliew:
Ka Namdong A, ka shnong kaba la rim bha, ba la seng la buh naduh u snem 1790 bad ruh ka shnong kaba don kumba 45Km na Jowai kaba hap hapoh Thadlaskein Block, West Jaintia Hills District, ka dei kawei na ki Shnong kaba ai ia ka nuksa kaba bha tam sha kiwei pat ki shnong kiba don hapoh ka ri lum Khasi Jaintia.
Hapoh ka jingialam bad jingiohi jngai jong U bah Dawan Lyngdoh ba long kum u Rangbah Shnong bad ki dkhot bad ki nong shong Shnong baroh kawei, ki la ia mynjur ban shna ia kawei ka jaka shangkai bad jngoh kai kaba itynnad, ha kaba ia kane ka park la shna ha ka jinglut kaba T.4, 20, 000, lyngba ka pisa shnong khlem kano kano ka jingbei tyngka ne jingiarap nabar. Ia kane ka jaka shangkai, la shna bad pynwan dur bha da kaba pyniasnoh na uwei u diengjri sha uwei pat lyngba ki jingkieng siej, haba ka ladon ruh ka view point bad ki tree house. Hapoh jong kane ka jaka shong pyngngad, la pynneh pynsah ia ki phlang ki kynbat dawai kiba la sdang ban duh jait la shna kyrpang ruh ia ka “Traditional Herbal Medicinal Plant Garden” kaba kham long kyrpang shuh shuh ka long ka jinglah jong ka shnong ban seng ia ka “Herbal Medicine School” ha kaba arngut ki rangbah U Ma Paulus Lamare bad U Ma Albinus Pasi ki nongai dawai Pnar ki la long kiba kloi ban ai iaka jinghikai ba paka sha ki 18 ngut ki khun samla kum ki khynnah skul ba nyngkong jong kane ka skul. Ia ka “Traditional Herbal Medicinal Plant Garden” bad “Herbal Medicine School” la plie da u Ma A Syngkon, Programme Coordinator ka KVK, Jowai, ha ka 17 tark jylliew.