Sei jubor u lamphang dorbar, ia ki dkhot PDP, ba ki tar sopti bad tar ki kopi riti synshar

U Venkaiah Naidu, lamphang ka Rajya Sabha, ula phah pynmih da ka bor ia ki arngut ki MP jong ka seng PDP, na ka daw ba ki thmu ban tar ia ki sla jong ka riti synshar ri.

U Amit Shah, myntri kam poh iing ka sorkar India, ula pynbna ba ka sorkar India, ka la rai ban weng noh ia ka article 370 jong ka riti synshar ri, kaba ailad kyrpang ia ka Jylla Jammu and Kashmir.

Mar ia pynbna kumta, U MM Fayaz, u dkhot ka seng PDP, ula tar ia ka sopti lajong bad nangta sa U Nizir Ahmad Laway, ula tar ia ki kopi jong ka riti synshar ri bad ka dei katei ka jingleh, kaba pynlong ia u lamphang dorbar, ba un hukum ban weng da ka bor ia kitei ki dkhot jona ka iing napoh ka iing dorbar Rajya Sabbha.

“Ka riti synshar ri jong ka India, ka dei kaba ha khlieh duh. Ym don ba lah ban leh kumne” ong U Naidu bad hangta u pynmih ia ka hukum ia ki marshal, kiba don ha ka iing, ba kin sei da ka bor ia kitei ki arngut ki dkhot jong ka iing dorbar shabar.