Nongstoin, 12 Risaw:
U wei u rangbah u ba la tip kyrteng kum u Bowell Lyngkhoi 55 snem ka rta na ka shnong Domkohmen, u la pynkut noh ia la ka jong ka jingim ha u tyllai phasi da kaba u la teh da ka jain bad sdien ha u wei u dieng ha katei hi ka Shnong.
Katkum ka khubor na ki pulit la iathuh ba katei ka jingjia ka la jia hadien ba u la jah na la iing myn ha ka 10 tarik mynta u bnai ha ka por 2.00baje nohsngi, ha kaba ha katei ka sngi u tei u rangbah um shym la wan phai iing shuh, kumta na ka liang jong ki ba haiing ha sem kila pynlong ia ka jingia wad ia u tei u rangbah.
Ia ka met jong u tei u rangbah ki ba haiing ki la lap mynha ka 11 tarik mynta u bnai ha ka por 7.00baje dangstep, ba u la sdien phasi ia lade ha u wei u dieng u ba jrong kumba 30 pruh ei ei, katkum ka khubor na ki pulit la ong ruh ba na ka liang jong ki ba ha iing u tei u rangbah ki la ong ba u dei ba don ia ka met bym koit bym khiah naduh kine ki sngi, taiew ba la lah ha kaba ki ba haiing ha ka jingshisha ki la thmu ban leit shim dawai hynrei u tei u rangbah u la ju ong ruh ia ki ba ha iing ba kim dei ban pynlut pynjynjar na kabynta katei kajingshitom ka jong u namar ba u la tymmen.
Ki bor pulit ka Nongstoin Police Station hadien ba ki la ioh ka jingtip na ki ba ha iing mynta ka sngi ki la leit sha katei ka jaka, bad hadien ka jingpyndep jong ki ba haiing ha sem ia ki kot ki sla khamtam ia ka jingioh ia ka hukum na u Magistrate ban ym leh ia ka postmortem namar ka dei hi kajingleh ka jong u , ki pulit ki la aiti noh ia ka met sha ki ba haiing ha sem ban pyndep hynrei kajingtohkit jong ki pulit ka dang iaid sha khmat.
Phi don ban ong eiei?