Sdien phasi U Lat barim ka Nagaland

U Ashwani Kumar, U Lat barim ka Nagaland bad uba dei ruh u heh duh barim ka CBI, ula iap da kaba sdien phasi ha ka iing sah jongu ha Shimla mynta ka sngi. La iathuh ba utei u iap, da kaba sdien phasi hi ialade bad la lap ruh ia ka jingthoh lyngkot jongu, shwa ba un pyniap ialade.

U Kumar, u dei u ophisar IPS, jong u snem 1973 bad ula long U Lat ka Nagaland, ha u snem 2014 bad shwa kata, ula long U Lat ka Manipur ha u snem 2013.

U Ashwani Kumar, ula dei U Director ka CBI, ha ka por ba katei ka tnat, ka la kem ia U Amit Shah, halor ka jingshah pyniap U Sohrabuddin Sheikh, kaba la shim ba ka dei ka jing pyniap bym shongnia kaba la jia ha Gujarat.

U Kumar, ula long U DGP ka Himachal Pradesh, naduh U Nailar 2006 haduh U Naitung 2008.