Sdien phasi hi u pulit ha Dawki

Jowai, 22 Jylliew:
U wei u pulit, u ba trei ha Dawki police station u ba la tip kyrteng kum u Harish Kumar Mahanta u ba dang 45 snem ka rta u la sdien phasi ia lade ha jaka sah jong u ha ka miet 21 taik mynta u bnai.
U heh pulit jong ka West Jaintia Hills District haba kren bad ki lad ai khubor u la ong ba haduh mynta kim shym ioh kano kano ka jingthoh ha kaba ia dei bad kane ka jing sdien phasi une u pulit.
Na ka liang jong ki pulit mynta ki dang tohkit ban lap ia ka daw balei u shimnoh ia ka jingim la jong. La iathuh ba une u pulit u dei na ka jylla Assam bad mynta ki dang pyndep ia ki kam ba dei ban leh bad ynda la dep kin sa aiti sha kiba ha iing ha sem ban rah ia ka met jong u sha shong jong u sha Assam.