Sdang test covid 19 ha khappud Bangladesh

Shillong:U Director ka tnad ka koit ka khiah jong ka jylla, u Dr A.War, u la iathuh ba ka jingleh ia ki test na ka bynta ki nongshong shnong ha khappud bad ka Bangladesh, ia ka  jingpang  COVID-19  ka la sdang bad mynta ka dang iaid shakhmat kane ka jingtest.

Ka jingtest COVID-19 ia ki nongshong shnong ki ba sah ha khappud bad ka Bangladesh, la leh lyngba  ki Rapit Test Kits bad  kane la sdang na ka shnong Ryngku kaba hap hapoh jong ka Mawsynram Block.

U la iathuh ruh ba ka  jingtest ka long tang ha kito ki shnong kiba don kam ka jingiarung ia mih jong ki briew. 

U la iathuh ruh ba ka tnad ka koit ka khiah mynta kan sa phah leh test sa ha Tamabil, ha kaba ka la don ka jingkynnoh ba ki don ki briew ha khappud sha Bangladesh, ki ioh ia ka jingpang COVID-19.
U myntri ba dei peit ia ka tnad ka koit ka khiah, u bah Alexander L Hek u la iathuh ba haduh mynta ka sngi ki sample ki ba la phah ban test ki long 14147 ngut, kiba la test Negative ki long 13,303 bad ka result kaba dang ap ka long 800 tylli,kiba la ioh jingkoit ki long 26 ngut, kiba dang don ka jingpang ki long 17 ngut.