Sdang shah thngan, ban dawa pynneh ia U DC Jowai

Jowai, 23 ’lyngkot:
Ka Meghalaya People United Forum (MPUF) kaba la rai ban iakhih pyrshah sorkar halor ka jingshah pynkynriah kam u DC ka West Jaintia Hills, u Arun Kembhavi ha kine ki khyndiat sngi ba la dep da kaba shong kyllain myngor bad mynta ka sngi pat ki la sdang sa ka kaba shah thngan.
Ha katei ka jingshah thngan la wan ban ia shim bynta da ki katto katne ngut ki riew paidbah ka district kumjuh ki dkhot ka seng MPUF, ia kaba la pynlong ha Bos stand MTC IawmusiangJowai.
Na ka liang u President katei ka seng u la ong ba haduh mynta ka seng kam pat ioh ia kano kano ka jingpynshai ne jingpyntip na ka sorkar halor ka jingdawa jong ki, ba dei ban pynneh ia u DC hapoh kane ka district bad ula ong kane ka jingiakhih shah thngan jong ki kan iai bteng ki sngi lada ka sorkar kam weng iaka hukum jong ka ban pynkynriah ia u DC ka West Jaintia Hills District.