Sdang pynlip ding biang, 3 kynta, naduh mynta ka miet

Shillong: Na ka jing bym trei kam da shi unit ka OTPC Palatana Power Station bad nangta, sa ka jing duna slap, kumta ka don ka jing duna ka ding ilektrik, da 2-2.5 MU ha ka shisngi bad kumta, la dei ban pyn trei kam noh, da ka jing pynlip ding, naduh shiteng synnia mynta ka miet.

Ka khubor na U James K Sangma, myntri bor ding, ka iathuh ba ka jing pynlip ding, kan long tang 3 kynta ha ka shisngi. “Ngi sngewsih, halor ka jingthut ia u paidlang ka Jylla” ong ka kyrwoh.La ong shuh shuh ba ka tnat bor ding, ka thaw ia ki lad ki lynti, ban pynbeit kyrkieh ia kane ka jingwit.

Ki kynta pynlip ding, ki long naduh 0.00 haduh 3baje mynstep, ha Garo Hills bad ha Ribhoi. Naduh 3 baje mynstep haduh 6 baje mynstep, ha Khasi Hills, kynthup ia ka nongbah Shillong. Naduh 6 baje haduh 9baje mynstep, ha ki karkhana Lumshnong bad ha Jaintia hills, nangta 9 baje haduh 2baje nohsngi ha ki karkhana ha Lumshnong bad 2 haduh 4 baje ha ki karkhana ha Lumshnong bad Byrnihat bad nangta naduh 4 baje haduh 12 baje shiteng synnia, ha ki karkhana Lumshnong bad ha ki karkhana Byrnihat.