Sdang orpait ka Party Congress ha Nongstoin

Nongstoin, 17 Iaiong:
Ka party Congress ha Nongstoin nalor ba kala bteng bad iai mad lynter ia ka jingshah rem ha manla ki election hapoh Nongstoin mynta ka kynti katei ka party hapoh ka Nongstoin kala sdang or pait bad sdang ban pra bad katei ka paw shai ruh ba u President ka NBCC u bah Albinus Kharbani u la beh noh ia ki ba bun ki nong ialam ha ka jing ialang (general Meeting) kaba la long ha ka sngi saitjain jong ka taiew bala lah ha Congress Bhavan Nongstoin.
Ha katei ka sngi la iadon lang ruh u president ka DCC, u bah Gabriel Wahlang Ex MDC, bah G. Nonglong Secretary DCC, bad ha katei ka jingialang u president ka DCC u bah Bolness Nongum u la aiti ban pyniaid ia katei ka jingialang ha u president ka NBBC.
Katei ka jingshah beh jong ki nongialam bad ki nong kyrshan jong ka party congress ha katei ka jingialang kala long ruh hadien ba mar ia poi ha ka mat ban ia kren na ka bynta ban jied noh ia u president ba thymmai jong ka NBCC na ka liang u bah Albunius u la beh noh ia baroh ki bym dei ki President, ki secretary, delegate bad wat ia ki dkhot jong ka DCC kiba la shah khot sngewbha da u president ka DCC ha katei ka sngi.
Ki tei ki nongialam kiba la shah beh ha katei ka sngi ki kynthup ia u B.K.Bani Working President ka DCC, S.Rahsir president MBCC, bah JTS Thongni Ex MDC, bah N.Nongdkhar ex MDC, bah F.Lyngkhoi ex president Youth Congress ha kajuh ka por kum u Chief Adviser ka NAYC ba mynta bad ki wei ki wei.
Haba iakren bad ki nongthoh khubor na kaliang u bah K.Bani Working President ka DCC u la iathuh ba ka daw jong ka jingshah beh jong ki nongialam na katei ka jingialang kalong ba u bah Albinus Kharbani ua la sngew thuh lypa ba ki ba bun ki nongialam bad ki dkhot jong ka party Congress kiba hap hapoh ka NBCC ki ieng pyrshah ia u, namar ka jingphah kyrshan bad kajing kynshoit ka jong u ban phah thep ia ka vote sha u kyrtong ka party HSPDP ha ka election shiteng samoi kaba la dep.
Shuh shuh katei ka jingleh jong u bah Albinus kala pynbitar ia kiba bun bad katei ka jingleh ka jong u kala pynlong ruh ia ka party ba kan nang pait nang pra bad kaba lah ruh ban wanrah ia ka jingduh jingkyrmen ban jop na kavbynta u 2018 katba kitei k juh hi ki briew kin dang ialam ia ka party Congress ha Nongstoin, namar ba kitei ki nongialam kim shym la kwah ia ka jingjop hynrei ki kwah beit tang ka jingmyntoi bad ioh noh shimet.