Shillong: Ka ophis jong U Superintendent of Police, East Khasi Hills, ka pyntip, ba U Vicky Dey, u pynmih jingthoh ha facebook, da ka jingthmu ban pynmih ia ka jing iapher niam, iapher jaitbynriew.
Ki pulit, ki la shimti ia ka jingtohkit, lyngba ka Lumdiengjri P.S Case No. 100(9)2020 U/S 109/153/153(A) IPC. La dep phah ruh ia ka jingtip sha ka facebook, ba kan weng noh ia ka account jongu lem bad kitei ki video bad ki dur kiba u buh ha facebook bad ki dang ap ia ka jubab haduh mynta.
La iathuh ruh ba utei u briew, u don mynta shabar jong ka Jylla bad kumta, ka jingwad ia u, ka dang iaid shakhmat, na ka bynta ban tohkit ia u, da ki bor pulit jong ka District.
Phi don ban ong eiei?