Sdang khie im ka seng Congress ha Mawhati

Shillong, 17 Rymphang:
Ha ka 14 tarik, ka Mawhati Block Congress Committee ka la pynlong ia ka jingialang jong baroh ki dkhot jong ka, ki ba kynthup na baroh 54 tylli ki shnat treikam.
Ha kane ka jingialang la iadonlang ruh naduh u Working President ka MPCC u bah James Lyngdoh, President ka Mahila jong ka State ka kong Joplin Scott Shylla ryngkat bad ka kynhun, U Bah Min Makri Working President ka Ri Bhoi District Congress Committee, U Bah Mayral Born Syiem, Secretary ka RBDCC & MPCC, U bah R.R.Kynsai Makdoh Coordinator jong ka Mawhati BCC, Jirang BCC bad Nongpoh BCC.
La pyniaid ia ka jingialang da u President jong ka Mawhati BCC u Bah D.Daminot Sylliang, ha kaba la ioh jingkren pdiang na u Bah Charles Marngar u ba long u Adviser ka Mawhati BCC.
La ioh jingkren lyngkot na U Bah P.W.Muktieh, na U Bah Min Makri, Bah Mayral Born Syiem, Bah R.R.Kynsai Makdoh, Kong Joplin Scott shylla bad ka jingkren aikhublei na U Bah Otril Pamshong u ba dei u Working President ka Mawhati BCC.