Shillong: Ka jingialehkai phutbol kaba san ka ‘Assam Rifles Invitational Football Cup 2020’ kala sdang ha kane ka sngi Nyngkong ha madan Assam Rifles Football, Laitkor, Shillong ba la plie da u Lieutenant General Sukhdeep Sangwan, AVSM, SM, uba long u Director General Assam Rifles ba la don lang ka thei ialehkai ka Assam Rifles ka Ranjana Chanu kaba shah jied ban mihkhmat ia ka India ha ka Qualifying Tournament 2020.
Ia kane ka jingialehkai la sdang ha u snem 2016 bad la pynlong man snem ban kyntiew ia ka jingialehkai phutbol ha kane ka thain.
Ha kane ka sien ba mynta, kiba wan iashim bynta ki long 16 tylli ki klob ba iasoh bad ka Meghalaya Football Association nalor ka Assam Rifles.
La phiah ha ki phra tylli ki kynhun bad ia ka jingialehkai la pynlong da ka knock- out. Ka jingiaknieh ia ka nam lahduh kan long ha ka 13 tarik Lber, ha kaba u myntri rangbah u Conrad K Sangma un long kum u kongsan ha katei ka sngi kut.
Phi don ban ong eiei?