Sdang ka phutbol ka Subroto Cup ka state level, pynbam ka H. Elias 10-0 ia ka SWGH

Shillong: Ka lympung ialehkai ka State Level ka Subroto Cup ka la sdang mynta ka sngi ha nongbah Shilong. Ha kane ka jingiakhun ha ka U-17 ki shynrang, ka H Elias Hr Sec. School, Shillong na East Khasi Hills ka la pynbam ia ka Govt. Boys Hr. Sec. School ka West Garo Hills District da 10-0 kol bad ia kine ki kol la thep da u Ioanis Suchen (24,28,33 Min), Sangti Shianglong (31 Min), Wadajied Kynsai Ryngkhlem (35 Min), Jefferson Kharbuli (46 Min), Benjamin Diengdoh (51 Min), Gladdy Nelson Kharbuli (59 Min).

Ha kawei ka jingialehkai, ka Church of Secondary School na West Khasi ka la pylliem ia ka Sacred Heart Sec School East Garo Hills da 7-0 kol bad ia kine ki kol la thep da u Hamebatskhem Lyngdoh (7 Min), Kynjohbor Shangrit (11, 39 Min), Baby Syndar Marngar (26,37 Min), Albert Singh Nongrum (30 Min), Saanbor Dkhar (27 Min).
Ka North Liberty Hr. Sec. School na West Jaintia Hills ka la iakhaid bad ka Govt. Hr. Sec. School na South Garo Hills 0-0.
Ha ka jingialehkai ki kynthei hapoh 17 snem pat, ka Umthli Hr. Sec. School (EKHD) ka la pylliem ia ka Mawkyrwat Presbyterian Sec. School (SWKHD) da 6-1 kol. Ia ka Umthli la thep da ka Sanjida Nongrum (4 Min) Nisilia Majaw (24,26,31 Min), Fragracy Riwan (42,59 Min) katba ia ka Mawkyrwat Presbyterian Sec. School la thep da ka Darishisha Kharlyngdoh (12 Min).
Ka Joel Gatphoh Memorial Synod Hr. Sec. School (WKHD) ka la pylliem ia ka Telikali Sec. School (SGHD) da 10-0 kol. Ia kine ki kol la thep da ka Pynbhalin Wanniang (17,24,35,48,56Min), Philadaplin Dkhar (18,22Min), Sunalinda Iawrem (21,30Min), Lawansuk Lyngkhoi (44 Min).
Ka North Liberty Hr. Sec. School (WJHD) ka la pylliem da 3-0 kol ia ka Indira Gandhi Memorial Sec. School (NGHD). Ia kine ki kol la thep da Darihunki Lamare (7, 43 Min) Napaleroiki Lytan (21 Min).
Ha kawei ka jingialehkai, ka Khliehriat Hr. Sec. School (EJHD) ka la shah pylliem ha ka Sati Raja Memorial Sec. School (RI-BHOI) da 0-1 kol bad ia kane ka kol la thep da ka Eliva Kurkalang (45 Min).
Ha ka jingiakhun ki shynrang hapoh 14 snem, ka Joel Gatphoh Memorial Synod Hr. Sec. School (WKHD) ka la iakhaid bad ka Umjarain R.C.U.P School (SWKHD) da 1-1. Ka Musniang Sec. School (EJHD) ka la pylliem ia ka Govt. Boys Hr. Sec. School (WGHD) da 1-0 kol. Ka Khliehumstem Sec. School (RI-BHOI) ka la pylliem ia ka St. Claret Sec. School (SWGHD) da 3-0 kol. Katba ka District War Sepngi Christian Hr. Sec. School (EKHD) ka la iakhaid bad ka St, Joseph Sec. School (EGHD) 0-0.