Nongpoh: Ka Umrit Sports Club, ka la ioh ban khur ia ka namjop kaba nyngkong haba sdang ka lympung ialehkai phutbol kaba la tip kum ka MLA Cup Football Tournament 2022 ha madan Western Ri Bhoi, kata hadien ba ka la lah ban pynliem noh pyrshah ia ka Patharkhmah Sports Club.
Katei ka lympung ialehkai, ka dei kaba la pynlong da ka NPYF Jirang Block, bad kaba la buh ia ka khusnam kaba T. 1 lak sha ka kynhun kaba ioh ban rah ia ka namlahduh bad T. 50 hajar na bynta ka kynhun kaba wan ba-ar. Ha katei ka lympung ki la don kumba 32 tylli ki kynhun ialehkai na ki shnong bapher bapher na katei ka thain, ki la wan ban iashimbynta.
Ia katei ka lympung ialehkai phutbol, la wan ban plie pyrda da u Bah Sosthenes Sohtun, MLA Jirang ha ryngkat ka jingdon u Bah Victor Ranee, MDC Jirang lem bad shibun kiwei ki nongialam ka NPP bad ki riew rangbah ka thain.
Phi don ban ong eiei?