Sdang ka lympung ialehkai kynjat bol, ba la pynlong da ka AMLA

Shillong: Ka All Meghalaya Labour Assiociation myn hynnin ka sngi ka la sdang ia ka lympung ia leh kai kynjat bol ha ka shnong Mawphlang.

Ha kane ka sngi la wan plie sdang da u MDC ka Mawphlang u bah Lamphrang Blah, ha ryngkat ka jing ia don lang u president ka AMLA sengkmie u bah Danny Dunai, ki dkhot bad ki nongshong shnong katei ka thain.

Haba ai jingkren ha ka ne ka sngi na ka liang u MDC ka Mawphlang u bah Lamphrang Blah u la ai ka jingiaroh ia ka seng AMLA ka ba la shim ia ka sien jam ban pynlong ia kane ka jingialeh kai kynjat bol da ka ba ong ba ka seng AMLA ka long ka seng ka ba ju trei na ka bynta u duk u suk, hynrei ka jingpynlong ia ka ne ka jingleh kai da kane ka seng kan kyntiew ia ki khynnah samla ki badon sap ha kine ki thain.

Na ka liang u bah Danny Dunai u la ong ba ka long kaba don kam ban pynlong ia kum kine jingialeh kai kynjat bol, namar ba kan iarap ia ki samla jong ngi ba kin ym ngop ha ki kam sniew.
Ki ban ia khun ha kane ka lympung kynjat bol kin long 16 team na ki tei ki thain ha ka ba mynta ka sngi ka team All Star Football Club bad ka Marbi Football Club ka la sdang ia kane ka jingkop kynjat bol.
Ka jingialeh kai hynnin ka sngi ka la long ka ba itynnad ha ka ba ka Marbi FC ka la pynrem ia ka All Star FC da 1-0.