Sdang ka lympung Baby League ka Mawngap centre

Shillong: Ka Mawngap centre ka Meghalaya Baby League 2019 ka la sdang ha kane ka sngi Saitjain, ba la sakhi 12 tylli ki jingiakhun.

Ka Shillong centre bad ka Smit centre ki la dep sdang kham mynshwa ia kane ka lymnpung. Ha kane ka sngi, ka Laitkseh Baby League, ka la sdang ia kane ka lympung., ka Laitkseh ka dei kaba iasoh ruh ha ka Meghalaya Football Association.
Ki don 6 tylli ki kynhun ha ka Mawngap centre kynthup ka Marbisu Phoenix, Lawmei Leopards, Little Kickers Ferrets, Nongtrai Cheetahs, Upper Shillong Colts bad Rangdajied United Eagles.
Ka Marbisu Phoenix bad ka Lawmei Leopards ki la iakhun ha kaba sdang ha kaba ka Phoenix ka jop ha ka U-9, ka Leopards ka jop ha ka U-12 katba ha ka U-7 bad ha ka U-11 ki iakhaid.
Ka Little Kickers bad ka Rangdajied United Eagles, ki jop pyrshah ia ka Nongtrai Cheetahs bad Upper Shillong Colts.
Ha Shillong, ka Touchline NE Cubs ka jop ha ka U-7 bad U-11 pyrshah ia ka Mawlai Raptors. Ha ka U-12, ki iakhaid 1-1 katba ka Raptors ka jop ha ka U-9. Ka Onsides Gibbons bad ka PFR Flying Squirrels ki jop. Ka Nongthymmai Scorpions ka pynliem ia ka JNS Jaguars, ha ka U-7, U-9 bad ha U-11 hynrei ka Jaguars ka iakhaid ha ka U-12.
Ha Smit, ka Mawlatbah Hawks ka jop ia ka Mawryngkneng Goldfinches. Katba ka Laitkor Flamingos ka jop ia ka Deni Linda Pumas. Ka Smit Grassroot Zebras ka pylliem ia ka Wahlakhiat Bulls.