Sdang ka lehniam Durga Puja ha Nartiang

Jowai, 20 Risaw:
Ka lehniam Durga Puja ha Nartiang kaba la hikai da u Syiem Jaintia naduh hyndai hynthai bad kaba la pyndep man la u snem ka la sdang mynta sngi naduh ka por 3:00 baje mynstep.
Ki rangbah niam- kila leit tong ia um kyrpang na ka wah Um-ngot mynta ka step phyrngap bad hadien ba la shit la shai ka sngi, la leit wad ia ka Blei (kaba dei ka dieng Kait) bad la wanrah ia ka sha Mandir lane Durga Temple ha kaba la pynriem pynbeit ia ka ha ka dur jong ka Blei Durga.
U Secretary jong u Dolloi Elaka Nartiang, u ma Joe Dkhar u la iathuh ba la shai ka sngi Balang kan long ka sngi Shong-sngi bad ha ka sngi Palei yn pynlong ia ka jingknia Pom Blang ha Durga Temple bad ka 23 tarik yn pynlong ia ka jingleit on lynti ia ka ‘Lei Durga ba kan ngam ha Wah Myntang ha ryngkat ka put ka tem bad ki lehniam leh rukom ba pher bapher.