Sdang ka KSU, ia ka jingialang pyrshah CAB

Shillong: Myn hynnin ka janmiet ka Khasi Student Union (KSU) ka la sdang ia ka ‘street meeting’ ban pynshai sha ki paidbah halor ki jingma lada ka sorkar India ka pynlong aiñ ia ka Citizenship Amendment Bill (CAB). Ki jingialang ban pyrshah ia ka CAB lah pynlong mynta ka janmiet hapoh ka shnong Madanrting bad ka shnong Laitjem.

Ia ka jingialang hapoh Laitjem, la ioh jingkren na u Histolis Pathaw u Rangbah shnong ka Laitjem, u Jlandis Lyngdoh President ki 16 shnong, u samla Biangbor u ba bat ia Organising secretary KSU CEC bad u Samla Donald V Thabah u General secretary KSU CEC bad ia ka jingialang la pyniaid da u samla Shngain Sohkhlet u ba dei President Upper Shillong Circle.
Kiba ai jingkren ha poh ka shnong Madanrting ki long u Samla Erick Nongkynrih President KSU Nongthymmai Circle, samla Rapbor Nongrum Publicity secretary KSU CEC President seng samla Madanrting  U Bah Sadon Blah General secretary HNYF Samla Lambokstar Marngar President KSU CEC bad U Bah Samuel B jyrwa Chairman ka NESO bad ia ka jingialang la pyniaid da u Samla Richard Mohkhiew General Secretary KSU Nongthymai Circle.