Shillong: Ka “1st Meghalaya State Kickboxing Championship cum 3rd Meghalaya State Kickboxing Selection Trial 2018” ka la sdang myn hynnin ka sngi ha nongbah ha kaba 193 ngut la wan ban iashim bynta na baroh ki District ha Meghalaya.
Ia kane ka jingialehkai la plie da u MLA ka Ranikor u Pius Marwein uba la ai mynsiem ia ki nongialehkai ban shim khia ban ioh ia ka jingjop da kaba pyndonkam hok ia la ka sap.
Ha kane ka sngi la don lang ruh ka Dr (Mrs) Streamlet Dkhar na NEHU kaba wan kum kaba shah khot sngewbha kyrpang ban ai mynsiem ia ki khynnah nongialehkai.
Ki lahduh ha kane ka jingiakhun kin lah ban leit iashim bynta sha ka WAKO India Cadets Juniors & Senior Categories 2018 ban long ha Kolkata naduh ka 2– 5 tarik Kyllalyngkot 2019.
Ha kane ka sngi la don lang ki nongialehkai ba paw kum u Hame Shaniah Suiam, Pynnehbor Mylliemngap, Edward Mawthoh, Nathaniel Pynbianglang Kurkalang bad ka Ibadarishishsa Mukhim.