Sdang ka jingpyni ia ka phlim ‘Onaatah’ ha St Anthony

Shillong, 28 Iaiong:
Ia ka phlim Khasi ba la shna da u Pradip Kurbah ka Onaatah – (Ka pyrthei) kaba jop ia ka khusnam best feature ha ka National Film Award dang shen la sdang pyni hynne ka sngi ha St. Anthony’s College.
Ia kane ka phim la ak aktor da u Bah Merlvin Jude Mukhim bad ka kong Sweety Jane Pala la pynmih da Pomu Das bad Marjina Kurbah. Kiba ak lang ha kane ki kynthup ia u Enshon Lamare, Richard Kharpuri bad ka Mary Nonghuloo.
Ka Onaatah ka dei ka phlim kaba la ak ha ki jaka ka thain Mawkynrew kum ka Thangsning, Mawlynngot, Jongksha, Rapleng bad ki bynta thain Pynursla kum ha Wahlyngkhat bad Lyngkyrdem bad ha Iewrynghep, Umkhoi bad katto katne ha ki jaka ha Shillong.
Ha kane ka phlim, ka Kong Sweety Jane Pala ka la shim ia ka bynta ban ak kum ka briew ba shah bat tnga jubor. “Ka jingpynkhreh ka la long da ki bnai”, la ong ka Kong Sweety.
Katba u Bah Melvin Mukhim u la ak ha kaba don ki kam ba long danda.
U Bah Mukhim u la ong ba ka shim por ar bnai eiei ia u ban nang ban kren ktien Nongkrem, bad ban leh ia ki jingleh ha kane ka phlim, ha kaba u la leit jngoh bun sien ia ki jaka kum sha Jongksha, Mawkynrew, Mawlyngot ban sngewthuh ia ka ktien jongki.
Ia ka phlim Onaatah la jied na ka bynta ka Hong Kong International Film Festival. Hadien ba la pyni ha Mumbai, Bengaluru bad ha Jaipur, ka phlim la pyni ruh ha Festival of Cinema, Manipur ha ka 13 tarik Iaiong.