Shillong: Ka jingïalehkai Muaythai ba la pynïaid da ka Muay Thai Association of Meghalaya (MTAM) ka la sdang ha ka sngi Thohdieng ha Mawlai Mawroh Community Hall.
Ia kane ka jingialehkai ba la tip kum ka 1st Meghalaya State Level Muaythai & Pro-Fight Championship 2019 la plie pyrda da u bah Pyniaid Sing Syiem u Dy. CEM ka KHADC kum u Kongsan, ha ryngkat ka jingïadonlang u bah Teibor Pathaw EM ka KHADCA bad MDC jong ka Mawlai Constituency, u Bah Angelus Sun President ka MTAM nalor kiwei kiwei.
Ha katei ka rynsan la don haduh 130 ngut ki nongïalehkai na kylleng ki District kiba kynthup ba na East Khasi Hills, Ri-Bhoi bad West Khasi Hills District kiba la wan ban ïashim bynta. Ia katei ka tournament la pynïaid da ki 14 ngut ki referee ba la khlieh pat da u Bah Angelus Sun kum u Chief Jury.
Na ka liang u Bah Pynïaid bad u Bah Teibor Pathaw ki la ai ka jingïaroh ïa ka sien jam ba la shim da ka MTAM ban nang kyntiew bad pynpawnam ïa ka jingïalehkai Muaythai hapoh la ka jong ka Jylla watla hapdeng ki jingeh kiba bun ïa kaba ka kynhun ka ïakynduh.
Phi don ban ong eiei?