Nongpoh: Ka ophis u District Sports Officer, Ri-Bhoi District, Nongpoh, hynnin ka sngi ka la lah ban sdang noh ia ka District Level Inter School Football Tournament (Subroto Mukherjee Cup) 2019 Ri-Bhoi District.
Ia katei ka lympung ialehkai phutbol ki skul ha Ri Bhoi, la pynlong ha ki ar-tylli ki madan Football kata ha madan ialehkai ka Umsaitsning bad ha Umran Niangbyrnai.
Ha ka jingialehkai ki khynnah shynrang U-17 snem kaba la long ha Umsaitsning, ka St Francis H. SS ka la lah ban pynliem noh ia ka Nehru Memorial SS da 1-0, ka Umroi SS ka la lah ban pynliem noh ia ka Auxilium SS da 5-1, ka Evershine SS ka la pynliem noh ia ka St. Micheal H SS da 2-1, ka Umshorshor SS ka la pynliem noh ia ka Nongjri Presbyterian SS da 1-0 score bad ka Khrumdiengiei Hr. SS ka la pynliem noh ia ka Maiparbat SS haduh 11-0.
Katba ha ka jingialehkai ki khynnah 14 snem ha madan Umran Niangbyrnai, ki khynnah ialehkai ka Umsning Presbyterian H. SS ki la lah ban pynliem ia ka St. Micheal H. SS da 1- 0, ka Evershine SS ka la pynliem noh ia ka St. Francis H. SS da 1- 0 bad ka Nongthymmai Presbyterian SS ka la pynliem noh ia ka Nehru Memorial Higher SS 2-0.
Phi don ban ong eiei?