Shillong: Ka inter District, ba la pynlong da ka Meghalaya Cricket Association, na bynta ki khynnah kynthei kiba hapoh 19 snem, ka la sdang mynta ka sngi ha Nongstoin.
La plie ia katei ka jing ialehkai, da U bah Herbert G Lyngdoh, Superintendent of Police, West Khasi Hills.
Ki don 11 tylli ki team, ki ban ialehkai bad ba la ia phiah ha ki lai tylli ki grup bad kitei kin ialehkai ha Nongstoin.
Ka East Garo Hills, Ri-Bhoi bad ka All Jaintia Cricket Association, ki dei ha ka Group A; South West Khasi Hills, South Garo Hills, Shillong Cricket Association bad West Khasi Hills, ki don ha ka Group B; ka East Jaintia Hills, North Garo Hills, East Khasi Hills bad ka Tura District Cricket Association ki don ha ka Group C.
Ki lahduh na kawei kawei ka group bad nangta kaba wan ba ar, ha ka Group B, kin poi sha ki kyrdan Semifinal.
Phi don ban ong eiei?