Nongpoh: Ka Futsal Association of Ri Bhoi District, ka la lah ban plie pyrda bad ban sdang noh ia ka lympung ialehkai kaba la tip kum ka 1st Open Ri Bhoi Futsal Tournament 2019, ka jait jingialehkai kaba iasyriem kum phutbol, ia kaba la pynlong hapoh ka madan ialehkai ka shnong Umbuda.
Kiba la donlang ha kaba sdang jong katei ka jingialehkai Futsal, ki kynthup ia Samla Golden Suchiang, u wei na ki tynshop ki film khasi, nangta u samla Stanlywell Manih, u nongrwai, u Bah A. Kharnaior kum u Vice President bad u Bah F. Sun President ka Futsal Association of Ri Bhoi District
Ha katei ka lympung ialehkai, ki la don kumba 10 tylli ki kynhun kiba la wan ban iashimbynta bad ki ban sa iaknieh na ka bynta ban rah ia ka nam lahduh jong kane ka 1st Open Ri Bhoi Futsal Tournament 2019.
Ha ka sngi sdang jong katei ka lympung ialehkai, la iohi ia ka jingiakhun hapdeng ki kynhun ialehkai bapher bapher, ha kaba ki kynhun kiba la iohrah ia ki nam jop ba nyngkong ki kyn thup naduh ka Mawtnum FC, ka Byrchem 5, ka Umbuda USCC, bad ka ka Pahamsyiem B.
Phi don ban ong eiei?