Shillong:Ka Basa die dohkha ha iewduh Shillong kaba dei kawei ka basa ba khapngiah na ka jingiabeh ki paidbah ban wan thied ia ki dohkha dohum hynrei na ka jinglap ba la khleh da ka dawai “Formalin” la hap ban pynsangeh noh shwa ban die ia ki dohkha heh.
Hynrei ha kine ki ar sngi ba la iaid ban die noh tang ia ki dohkha napoh ka jylla (Local) bad na ka jylla Assam, la iohi ia kane ka iew ba ka la hiar bad duna bha ki nongwan thied dohkha ia kane la sakhi hadien ba u nongthoh khubor jong u Rupang, u la leit ban buddien ha kaba iadei bad kane.
Haba iakren bad ki nongdie dohkha mynta ka sngi, ka 12 tarik u Jylliew 2023 ki la iathuh ba ki don kiba wan thied tang katto katne, hynrei ka jinghiar ka iew die dohkha ka la long kaba la hiar shaba palat, kumba ka long baroh shi katta bad kane ka jinghiar ka dei namar ba ki paidbah ki dang khohñioh bad artatien, ban wan thied ia ki dohkha namar ba ki dang don ka jingsheptieng ba ka don ka jingpynbna ba khleh da ka dawai Formalin.
Ki la pynshai paidbah ruh ba kine ki dohkha shnong, ba die mynta kim don jingktah eiei ia ka koit ka khiah bad ka long kaba khuid ha kaba ia dei bad ka dor ruh ka dang long kumjuh kam pat kiew lane hiar.
Haba ba pyrshang ban ia kren bad ki katto katne ki nongthied, ki la ong ba na ka liang jong ki, kim don kata ka jingtieng bad kata ka shong ha ki nongdie, namar ki la dep ban pynshai ba mynta ki die beit tang ia ka dohkha ba napoh ka jylla bad kam don kano kano ka jingktah ia ki nongbam bad nongthied kumta na ka liang jong ki kim don shuh ka jingtieng ki la bynrap.
Ka administration kadei ban teh lakam ia ka jingshim advantage ki nongdie dohkha