Sdang biang ka korphiw, naduh ka step jong ka 26tarik Iaiong

Shillong: Ka Deputy Commissioner, East Khasi Hills District, ka la pynjari korphiw, kaba sdang naduh ka por 6baje mynstep jong ka 26tarik Iaiong 2020 bad katei kan bteng haduh ka por 6baje mynstep jong ka 4tarik Jymmang 2020.

Ki jaka, ki ban hap ha ka korphiw, ki long ki bynta jong ka Mawlai Block, ki jaka Municipal bad Cantonment, ki jaka jong ka shnong Mawpat, ki jaka ka Mylliem Block na jingkieng Umshyrpi sha Hynniewmer, ka Madanrting, Mawblei, Laitkor, Nongkseh, Umlyngka, Lawsohtun, Mawdiang, Siejiong, Diengiong.