Sdang biang ka jingkhaii khappud na ka kad khaii ha Tamabil

Shillong: Ka jingkhaii khappud na ka kad khaii ha Dawki, ka la sdang mynta ka sngi, ha kaba ki la don 88 tylli ki kali, kiba ioh ban leit pynhap mar, lyngba ka kad khaii jong ka Tamabil, kiba kynthup ia ki kali kit maw bad ki kali kit mawshun ruh kumjuh.

Ka don ruh ka jingthut mynta ka sngi, ha ka jingrung jong ki kali, namar ba ki slem ki kali kiba iaid lyngba ka Sohkha, namar ba ka jingkieng thew kali, kaba don ha Amjaha, hajan Sohkha, ka plie kham slem, ong ka kong Dolly Khonglah, Secretary jong ka Meghalaya International Exporters Chambers of Commerce (MIECC).