|
(Dayoo M Bareh. Shiliangmyntang WJH)
1. Sawdong ka lyngwiar dpei
Ha ki por ba mynshwa:
Sawdong ka lyngwiar dpei,
Ki shong ïathuh khana.
2. Sawdong ka lyngwiar dpei,
Shi ïing shi sem hangta;
Sawdong ka lyngwiar dpei,
Ki sei ‘tien sbai rupa.
3. Sawdong ka lyngwiar dpei,
Bad la ki khun ki kti;
Sawdong ka lyngwiar dpei,
Lynti babha pyn-i.
4. Sawdong ka lyngwiar dpei,
Ha ki sngi ba mynta;
Sawdong ka lyngwiar dpei,
Bun bym tip shuh ïa ka.
5. Sawdong ka lyngwiar dpei,
Sa shisien to wan biang;
Sawdong ka lyngwiar dpei,
Ha ngi wan pynphalang.
6. Sawdong ka lyngwiar dpei,
Ryngkat ki kpa ki kmie;
Sawdong ka lyngwiar dpei,
Khot biang la khun la Kti.
7. Sawdong ka lyngwiar dpei,
To ai jingsneng jingkraw;
Sawdong ka lyngwiar dpei,
Ban lait ka jynthut maw.
|