Nongpoh: Ki saw tylli ki thain ha Ri Bhoi bad kiba la shah ktah kham jur haba iadei bad ka jingsaphriang ka Khlam COVID-19, ki la shah pynngat ha ka Containment Zone, kitei ki shnong bad thain kiba la shah pynngat ha ka Containment Zone, ki kynthup ia ka 13Mer Tamulikuchi, Byrnihat, Baridua bad ka thain Khanapara.
Ka jingpynjari Containment Zone ia kitei ki thain, ka District Magistrate ka Ri Bhoi, ka la pyntip ba katei kan sdang naduh ka 19 tarik bad kan kut haduh ka 26 tarik u Naitung, ha kaba halor kitei ki shnong la khang pyrshang ia ka rung ka mih kaba pathar da ki briew ki bym pat ithuh da ka sorkar, ia kaba la shah tang ia kito kiba leit pynpoi ia ki tiar ki tar kiba donkam bad kiba la ioh jingbit na ka sorkar.
La ong ba ka nongrim kaba la pynlong ia kitei ki thain ba kin shah pyngat ha ka Containment Zone, ka dei hadien ba la lap ba ha kitei ki thain, ka la don ka jingpur stet jong ka khlam COVID-19, namarkata ban tehlakam ia katei ka jingpur stet ka khlam COVID-19, ka District Magistarte ka Ri Bhoi, ka la pynhap ia kitei ki thain ha ka Containment Zone bad ha kitei ki thain, ki briew ba kyrpang na ka Heath & Family Welfare Department, ki dang iai pynlong ia ka Trace Contact bad ruh ka jingleit rung na kawei sha kawei pat ka iing.
Namarkata, la maham pyrshah ba kino kino kiba pynkhein ia ka Containment Order, kin sha shah pyngat ha ki kyndon ain katkum ka Section 51(b) jong ka Disaster Management Act, 2005, kynthup ruh katkum ka Section 188 IPC.
Lada ka sorkar lane ka kano kano ka shnong
Ka lah ban teh lakam naduh ba sdang hi kan ym wan jia kumne namar ka jing pur stet une u khñiang kadei hi na ka jing ai jingbit pathar (car pass) ban iaid naphang ia ki kali ka jingpyllait kyluid noh ia ka jingpakhang shnong (lockdown) te namar kata la kyrpad ia ka sorkar ba kan ai shwa da ka pakhang hakito ki jaka ba lah bun ki nongpang khlam bad hakito ki shnong pat ki ba don tang ar lane lai ngut kiba bit khñiang ba kin sngewbha ban pyntip ia ki jaka lane ki shnong .Khnang ba mangi ki paidbah ngin pyrkhat arsien shwa ban rung hakato kajaka kumjuh ruh la kyrpad ki Rangbah shnong ba kin don ka jingkit khlieh iala ka shnong kathaw namar kiba bun hi ka dong ki shnong ki laitlan bha ka leit ka wan kibriew kiba rung bamih ymdon jingtip te lada ha kane ka rukom te ka shem jingeh ba ngin lait namar lada ngi sumar ialade ruh haba dang laitlan sa ka dong ka shnong te ym pat sngian ei2 KHUBLEI SHIBUN