Saw hain, ka suin bneng ha Bulgaria, ha ka janmiet Sngi U Blei, bun kiba shim ba ka dei ka dak jong ka ding

Ka suin bneng, ha ka janmiet jong ka Sngi U Blei, ka saw hain, ha ka ri Bulgaria bad katei ka dur, ka saphriang stet ha kylleng ka pyrthei. Katei ka rong saw hain, kaba long kum ka snam, ka sdang shwa ban tap ia ka bynta ba shatei jong katei ka Ri bad hadien kata, ka sa tap ia baroh kawei ka Ri, da katei ka rong, kaba da ka snam.

Don bun, kiba iohi, ia katei ka dur, kiba shim, ba ka dei ka dak jong ka jingthang da ka ding ia ka pyrthei bad don pat kiba itynnad bha, ia katei ka rong, haba ka saw hain ha kylleng katei ka Ri. La iathuh, ba katei ka dak saw snam, la iohi ruh, ha ki ri bapher, kum ha Romania, Hungary, Czech Republic bad ha Ukraine bad nangta ha Poland bad Slovakia, katba ha United Kingdom, la iohi, ia ka dur, kaba jyrngam bad kaba khleh saw, ha ka janmiet jong ka sngi saitjain.

Kane ka dur saw snam, la iohi nyngkong ha Ladakh, ha India; ha ki khyndiat bnai ba ladep bad katei ka la pynlong ia shibun ki saiantis, ba kin wad jingtip, halor katei ka jingkylla saw snam jong ka sahit bneng.