Sarong ka kur Warjri, ia U Phadar

Shillong,7 Risaw:
Ka Seng Kur Warjri Central Body ryngkat bad 3 tylli ki unit jong ka Mawlai Mawdatbaki, Mawlai Phud muri bad Mawlai West Zone Unit, ki pynpaw ka jing sngewkmen kaba khraw halor ka jingioh burom ha kaba ia kawei ka surok ha ri Argentina la buh ha ka kyrteng U Phadar Patrick Warjri. I dei khun jong I Bah Elindro Wahlang ( Bam kwai ha dwar u Blei) bad I Kong Kristina Warjri na Mawlai Mawroh. I Phadar Patrick I dei iba heh duh na baroh lai ngut ki para shynrang bad iwei I para kynthei. Ka Kur Warjri baroh kawei ka phah ia ka jingkitbok kitrwiang ia I Phadar Patrick ryngkat bad ka Iing jong I baroh ba kin dang lah ban shakri khambha shuh shuh ia la ki para briew wat la I don ha ri nongwei. Ka kur ka sngew ruh ba kane ka burom ka long na ka bynta ka ri bad ka jaidbynriew hi baroh kawei. Ka khubor ka ong ba I Phadar I la ai ia ka jingshakri la kumba 15 snem eiei ha ka ri Argentina bad kumba 10 snem ha ka Holy Family Church ha Pico Truncado. Ka kyrwoh na ka kur ka la iathuh ba kan don ka jingpyndonburom na ka bynta ki kur halor ka jingiohburom ki parakur jong ki ha ka Durbar Pyllun jong ka Seng Kur Warjri shityllup ka Ri Khasi Jaintia ha Mairang ha ka 12 tarik Risaw 2013.