“Sarang ki nar ilektrik ha Umkiang”

Shillong, 16 lyngkot:
Ka Seng Samla Shnong Umkiang ka pyn-paw ia ka jingsngewkhia jur ha kaba iadei bad ki nar ilektrik, kiba la jan kyllon ne sarang kiba don hapoh ka Shnong Um-kiang. Ha ka jingshisha ka Seng ka la iai ban jur ia ki nongtrei kiba dei peit ha ka thain Umkiang bad ha ka juh ka por ruh ka Shnong ka la ia kynduh ia u SDO Khliehriat ban pynbha ne bujli. Hynrei haduh mynta ym don mano mano ne na ka liang jong ka Office MeECL ban kylliang ne jubli da kiwei pat ki post ba thymmai namar bun ki post light kiba sniew ne sarang kiban sa kyllon noh ki don ha Shnong Umkiang. Kumta ka jingma ka ap ia u paitbah uba iaid baieng ne ba leit bawan ne ka lah ban wallam sha ka jingjia ba sngewsih ha kano kano ka por.
Khatduh ka Seng ka kyntu jur ia ka ophis jong ka MeECL ban pynkloi ia ka rukom trei kam ban pynbit pynbiang ia ka jingdonkam jong u paitbah bad ruh ban bujli thymmai kloi ia kitei ki post kiba don jingma bad lada jia ei ei kaba sngewsih ka jingkit khlieh kan dei ka jong ka Office MeECL.